TATITRY NY FILANKEVITRY NY MINISITRA NATAO TAMIN’NY ALALAN’NY «VISIOCONFERENCE» NY 26 MAY 2021

TTATITRY NY FILANKEVITRY NY MINISITRA NATAO TAMIN’NY ALALAN’NY

«VISIOCONFERENCE» NY 26 MAY 2021

NATAO TAMIN’NY ALALAN’NY VISIOCONFERENCE NY FILANKEVITRY NY MINISITRA ANDROANY NOTARIHIN’NY FILOHAM-PIRENENA ANDRY RAJOELINA ARY NAHITANA NY PRAIMINISITRA SY IREO MINISITRA ISAN-TOKONY :

I- FAMPAHAFANTARANA

HANDRAY ANJARA ISIKA AMIN’NY FIVORIAN’NY MINISITRA SY NY FIVORIANA AN-TAMPONY NY FILOHAM-PANJAKANA SY NY LEHIBEN’NY GOVERNEMANTA EO ANIVON’NY SADC HATAO AO MAPUTO-MOZAMBIKA:

Nampahafantarina nandritra ny Filankevitry ny Minisitra ny fandraisana anjaran’i Madagasikara amin’ny fivorian’ny Filankevitry ny Minisitra eo anivon’ny SADC izay hatao ao Maputo. Ao aorian’io dia hisy ny fivoriana an-tampony iarahan’ireo Filoham-pirenena sy ny lehiben’ny governemanta mpikambana ao amin’ny SADC. Hifantoka amin’ny fandriampahalemana ny fivoriana izay hatao.

FANAMBOARANA « ABATTOIRS » MANARAPENITRA AO ANTSIRABE I SY NOSY VARIKA

Nankatoavin’ny Filankevitry ny Minisitra ny fanitsiana ny sora-bola ao anatin’ny teti-bolan’ny ministeran’ny fambolena, fiompiana ary ny jono momba ny tetik’asa mikasika ny fanamboarana “abbatoirs” manarapenitra. Voarafitra ao anatin’ny lalàna mifehy ny Fitantanam- bolam-panjakana 2021 ity tetikasa ity saingy nasiam-panitsiana ny sora- bola hoenti-manangana ny “abattoirs” ao Antsirabe I sy Nosy Varika.

MADAGASIKARA SY NY VONDRONA ERAOPEANINA HIFAMPIDINIKA NY 27 SY 28 VOLANA MAY 2021 MIKASIKA NY FIFANARAHANA MOMBA NY FANJONONA « ACCORD DE PECHE »

Hotanterahina ny fifampidinihina momba ny fanjonona eo amin’ny Fanjakana Malagasy izay soloin-tenan’ny Ministeran’ny Raharaham- bahiny, Ministeran’ny Fambolena, ny Fiompiana ary ny Jono ary ny APMF amin’ny Vondrona Eraopeanina mba :

- hametrahana ny fiandrianam-pirenena amin’ny fari-dranomasina Malagasy azo anjonona ;
- hampiroboroboana ny lalam-piharian’ny jono ;
- hanitsiana ny haba tokony haloan’ireo sambo eraopeanina araka ny tahan’ ny haba vaovao nofaritana tamin’ny Filankevitry ny Minisitra tamin’ny 2 may 2021 ;
- hamerana ny isan’ireo sambo afaka miasa amin’ny fari-dranomasina Malagasy ;

HAMPIHARINA MANERANA NY NOSY NY FEPETRA NORAISINA TAO NOSY BE MOMBA NY MPANDRAHARAHA ARA-PIZAHANTANY

Mba hiantohana ny fitoviana eo amin’ny samy Mpandraharaha ara- pizahantany dia ampiharina manerana ny Nosy ireo fepetra noraisina tao Nosy Be toy ny fanemorana ny fara-fandoavan-ketra sy ny fahafahana mangataka ny fandoavana tsikelikely ny saran’ny jiro sy rano eo anivon’ny JIRAMA.

FANDAHARANASA FANORENAN-TRANO AO ANTSAPANIMAHAZO ANTSIRABE :

Nankatoavina ny fanomezana teti-bola ao anatin’ny « Nouveaux Projets d’Emergence » ho fanamboarana sy fanorenana Trano fonenana miisa 36 ao Antsapanimahazo, District Antsirabe II ahafahana mandray ireo fianakaviana sahirana, izay sahanin’ny ministeran’ ny mponina, ny fiahiana ara-tsosialy sy ny fampiroboroboana ny vehivavy
II - FANDANIANA DIDIM-PANJAKANA SY VOLAVOLAN-DALANA :

Araka ny tolo-kevitry ny Minisitry ny Ati-tany sy ny Fitsinjaram- pahefana :

Nolaniana nandritra ny Filankevitry ny Minisitra ny volavolan- dalàna mankato ny antontan-taratasy momba ny politika ny fitsinjaram- pahefana, izay sori-dalana entina manatanteraka ny Velirano faha 12. Anisan’ny foto-kevi-dehibe ao anatin’io Politikan’ny fitsinjaram-pahefana vaovao io ny famolavolana ny politikam-panjakana izay tokony mifanaraka amin’ny filàna eny ifotony (territorialisation des politiques publiques).

Hatao fomba fiasa ny fanaovana « Conférence régionale » hamaritana ireo laharam-pahamehana amin’ireo tetik’asa izay hampandroso ny faritra tsirairay.

Tokony hofaritana ireo fotodrafitrasa izay tsy maintsy mipetraka eo anivon’ny Distrika tsirairay avy. Asiam-panavaozana ny fitsinjarana ny fampiasana ny teti-bola eo amin’ny Fanjakana Foibe sy ny Vondrom- bahoaka itsinjaram-pahefana. Hamafisina ny fahaiza-manaon’izy ireo mampiditra ireo haba sy hetra voafaritra ho fidiram-bolany manokana ka ahafahan’izy ireo manao ny asa fampandrosoana tandrify azy avy.

Ny fitsinjaram-pahefana tena mahomby dia tsy maintsy miara- dalana amin’ny fanapariaham-pahefana (déconcentration). Ireo sampan- draharam-panjakana ifotony dia ifantoka amin’ny fanampiana ara-kevitra sy ara-teknika ireo vondrom-bahoaka itsinjaram-pahefana mba hisian’ny fitondrana tsara tantana sy fampandrosoana maharitra eny ifotony.

Araka ny tolo-kevitry ny Minisitry ny Fanajariana ny Tany sy ny Asa vaventy:

Nolaniana nandritra ny Filankevitry ny Minisitra ny didim- panjakana milaza ny filan’ny fanjakana ireo toerana voakasiky ny fanamboarana ny « flyover » ao Andohatapenaka sy ny « Voie rapide » izay mampitohy an’Andohatapenaka sy Imerintsiatosika eo anivon’ny Faritra Analamanga sy Itasy.

Araka ny tolo-kevitry ny Minisitry ny Fitaterana, Fizahantany ary ny Famantarana ny toetr’andro :

Nolaniana nandritra ny Filankevitry ny Minisitra ny didim- panjakana milaza ny filan’ny fanjakana ireo toerana voakasiky fanamboarana ny fotodrafitrasa momba ny fitaterana an-dalamby eto Antananarivo manomboka eo Soarano PK0 hatrany Ambohimanambola PK 12 (Corridor Sud).

Araka ny tolo-kevitry ny Minisitry ny Serasera sy ny Kolontsaina:

Nolaniana nandritra ny Filankevitry ny Minisitra ny didim-panjakana mametraka ny Ofisin’ny Rovan’i Madagasikara (ORMada) manaraka ny fenitra ankapobe napetraky ny lalàna manan-kery.
III- FANENDRENA
Nankatoavin’ny filankevitry ny minisitra ny didim-panjakana manendry ireto olom-panjakana ambony manaraka ireto:

Araka ny tolo-kevitry ny Minisitry ny Ati-tany sy ny Fitsinjaram-pahefana:
- Ramatoa RANDRIANAIVO Voahangindraibe Ravakiniaina dia voatendry ho lehiben’ny Distrika ny BETAFO.
- Ramatoa RASATA Volahasina dia voatendry ho lehiben’ny Distrika Antananarivo faha V.
Araka ny tolo-kevitry ny Minisitry ny Fanambeazam-pirenena :
- Ramatoa RAZAFIMANANTSOA Elisah dia voatendry ho tale misahana ny fampiroboroboana ny « intrants scolaires ».
- Atoa. RALAINIRINA Razokiny Eric dia voatendry ho talen’ny ivom-paritra misahana ny fampiofanana eo anivon’ny Ranomasimbe Indianina .
Araka ny tolo-kevitry ny Ministry ny Harena an-kibon’ny sy ny Loharanon-karena Stratejika :
- Atoa. RAKOTOMALALA Herindrainy Olivier dia voatendry ho Mpikambana eo anivon’ny filankevim- pitantana eo anivon’ny OMNIS
Araka ny tolo-kevitry ny Ministry ny Mponina, ny Fiahiana ara- tsosialy sy ny fampiroboroboana ny vehivavy :
- Atoa. RANDRIAMIARINARIVO Jean Bruno Abel dia voatendry ho tale misahana ny Fitantanana ny mpiasa .
IV- FANAFOANANA
Nankatoavin’ny Filankevitry ny Minisitra ny didim-panjakana manafoana ny fanendrena ireto olom-panjakana ambony manaraka ireto :

Araka ny tolo-kevitry ny Minisitry ny Fanabeazam-pirenena :
- Foana ny didim-panjakana laharana faha 2020-1238 tamin’ny 30 Septambra 2020 nanendrena ny Tale jeneraly misahana ny sekolim-panjakana.
Araka ny tolo-kevitry ny Minisitry ny Serasera sy ny Kolontsaina :
- Foana ny didim-panjakana laharana faha 2020-1310 tamin’ny 07 oktobra 2020 nanendrena ny Tale jeneraly ny serasera .
- Foana ny didim-panjakana laharana faha 2019-1262 tamin’ny 06 jona 2019 nanendrena ny tale ny Televiziona Malagasy eo anivon’ny ORTM